 |
| ព្រះសង្ឃ និងជនភៀសខ្លួនខ្មែរក្រោម ប្រមូលផ្តុំគ្នានៅប្រទេសថៃ ប្រារព្ធខួបបាត់បង់ទឹកដីកម្ពុជាក្រោម។ |
លោកវិទូ | ថ្ងៃ ២᧺២ ឆ្នាំខាល ចត្វាស័ក ព.ស. ២៥៦៦ | ១៦ មករា ២០២៣
សមណនិស្សិតខ្មែរក្រោម ដែលកំពុងសិក្សានៅប្រទេសថៃ ធ្វើបុណ្យផ្កាប្រាក់សាមគ្គីរៃអង្គាសបច្ច័យ សម្រាប់ផ្គត់ផ្គង់ព្រះសង្ឃសិក្សា ដើម្បីកសាងធនធានមនុស្សអភិវឌ្ឍន៍សង្គម។ ពិធីបុណ្យនេះ មានពលរដ្ឋខ្មែរក្រោម និងពលករខ្មែរប្រមាណ ៥០ នាក់ ចូលរួមប្រគេនចង្ហាន់និងបច្ច័យចំពោះព្រះសង្ឃ១០អង្គ ដោយមានការសម្ដែងរបាំប្រពៃណីរបស់កុមារខ្មែរក្រោម។
ការធ្វើបុណ្យនេះដោយសារព្រះសង្ឃខ្មែរក្រោមកំពុងសិក្សានៅសាកលវិទ្យាល័យនានាក្នុងប្រទេសថៃ ខ្វះថវិកាសម្រាប់បង់ថ្លៃសាលា។ ពិធីនេះធ្វើនៅវត្តមួយក្នុង ខេត្តណៈខនប៉ៈធុម (Nakhon Pathum) ដើម្បីប្រមូលបច្ច័យឧបត្ថម្ភដល់ព្រះសង្ឃខ្មែរ និងព្រះសង្ឃខ្មែរក្រោមរៀនសូត្រ។
ប្រធានសមាគមជនភៀសខ្លួនខ្មែរក្រោមប្រចាំប្រទេសថៃ លោក ឡឹម កែវសំណាង ប្រាប់វិទ្យុអាស៊ីសេរី នៅថ្ងៃទី១៥ ខែមករា ថា លោកបានប្រមូលជនភៀសខ្លួនខ្មែរក្រោម និងពលករខ្មែរទៅចូលរួមបុណ្យផ្កាប្រាក់ ដើម្បីប្រមូលប្រាក់ប្រគេនព្រះសង្ឃ។ លោកយល់ឃើញថា ពលរដ្ឋខ្មែរទោះទៅដល់ទីណាក៏មិនភ្លេចធ្វើបុណ្យជាមួយព្រះសង្ឃ ដោយសារខ្មែរគោរពតាមព្រះពុទ្ធសាសនា ហើយព្រះសង្ឃខ្មែរសិក្សានៅប្រទេសថៃខ្វះបច្ច័យបង់ថ្លៃសាលា ទើបលោកបបួលពលករខ្មែរ និងពលរដ្ឋខ្មែរក្រោមទៅផ្គត់ផ្គង់ព្រះសង្ឃ៖
«បាទហ្នឹងហើយ លោកធ្វើផ្ដើមបុណ្យផ្កាឡើងដើម្បីប្រមូលបច្ច័យ។ (ព្រះសង្ឃ)នៅខ្វះខាតថវិកាដល់ការសិក្សាព្រះសង្ឃមានចំនួនច្រើនអង្គដែរ។ ព្រះសង្ឃមកសិក្សាមានការខ្វះខាត ហើយលោកយកថវិកាដើម្បីសិក្សាបន្ត រៀនសូត្របន្ត»។
ស្រដៀងគ្នានេះដែរ ពលករខ្មែរម្នាក់ កំពុងធ្វើការនៅប្រទេសថៃជាង១០ឆ្នាំ មានស្រុកកំណើតនៅខេត្តពោធិ៍សាត់ លោកស្រី ពេជ្រ សួន ថ្លែងក្នុងទឹកមុខញញឹមថា លោកស្រីតែងចូលរួមធ្វើបុណ្យជាមួយសមាគមជនភៀសខ្លួនខ្មែរក្រោម ដោយសារខ្មែរក្រោមក៏ជាខ្មែរដូចគ្នា។ លោកស្រីបន្តថា លោកស្រីចង់ឃើញធនធានមនុស្សរបស់ខ្មែរមានច្រើន ដើម្បីកសាងសង្គមឲ្យរីកចម្រើន៖
«យល់ឃើញថាល្អ! មានអីទេតាមមើល សប្បាយចិត្តម៉ងបានធ្វើបុណ្យ ចូល! ចូលឲ្យតែប្រាប់ ចូលតែរហូតហ្នឹង សប្បាយចិត្តសុំចែកបុណ្យឲ្យបានស្មើៗគ្នាណា»។
ក្នុងពិធីបុណ្យផ្កានេះ ពុទ្ធបរិស័ទខ្មែរបានប្រគេនចង្ហាន់ និងបច្ច័យដល់ព្រះសង្ឃ ហើយស្ដាប់ព្រះសង្ឃសូត្រធម៌ និងពិសាអាហារសាមគ្គី មើលការសម្ដែងរបាំប្រពៃណីរបស់កុមារខ្មែរក្រោម។
ពលរដ្ឋខ្មែរនៅប្រទេសថៃឃើញព្រះសង្ឃខ្មែរខិតខំរៀនសូត្រទាំងផ្លូវលោក ទាំងផ្លូវធម៌ ទើបពួកគាត់ប្រឹងប្រែងឧបត្ថម្ភដល់ព្រះសង្ឃ ទោះជាមានជីវភាពមិនធូរធារក៏ដោយ ក៏មិនបោះបង់ចោលព្រះសង្ឃដែរ។
ព្រះប្រធានសម្ព័ន្ធសមណនិស្សិត-និស្សិតខ្មែរកម្ពុជាក្រោមប្រចាំប្រទេសថៃ ភិក្ខុ ចៅ សុខឌៀប មានថេរដីកាថា ក្រុមរបស់ព្រះអង្គតែងផ្ដល់អាហារូបករណ៍ដល់សមណសិស្សដែលចូលមកសិក្សានៅប្រទេសថៃឆ្នាំដំបូង និងសិស្សដែលខ្វះថវិកាបង់ថ្លៃសាលា។ ព្រះអង្គកត់សម្គាល់ថា ការសិក្សារបស់ព្រះសង្ឃខ្មែរ និងព្រះសង្ឃខ្មែរក្រោមជឿនលឿន ព្រោះមានព្រះសង្ឃរៀនថ្នាក់អនុបណ្ឌិត និងបណ្ឌិតច្រើន ឆ្នាំនេះទទួលសញ្ញាប័ត្រថ្នាក់បណ្ឌិតពីសាកលវិទ្យាល័យមហាចូឡាលុងកនរាជវិទ្យាល័យ (Mahachulalongkornrajavidyalaya University) ជិត១០អង្គ៖
«ការរីកចម្រើនគឺមានការរីកចម្រើនហើយ ព្រោះពីដើម! ពីដើមមកយើងឃើញថាព្រះសង្ឃខ្មែរក្រោមយើងរៀនបានត្រឹមបរិញ្ញាបត្រទេ តែបច្ចុប្បន្នហ្នឹងយើងមានដល់ថ្នាក់អនុបណ្ឌិត និងបណ្ឌិតហ្នឹងហើយ។ មានការរៀនតាំងពីថ្នាក់អនុបណ្ឌិត និងបណ្ឌិត ពីដើមមកតែបរិញ្ញាបត្រ រៀនចប់បរិញ្ញាបត្រហើយគឺចប់ហើយទៅស្រុកជួយវត្តជួយអ៊ីចឹងទៅណា ឬអ្នកខ្លះក៏សឹកអ៊ីចឹងទៅ ដល់ពេលបច្ចុប្បន្នហ្នឹងយើងឃើញហើយ អនុបណ្ឌិតក៏កើនឡើងច្រើន»។
របាយការណ៍របស់សមាគមព្រះសង្ឃខ្មែរក្រោមនៅប្រទេសថៃ ឲ្យដឹងថា មានព្រះសង្ឃខ្មែរក្រោម កំពុងសិក្សានៅសាកលវិទ្យាល័យនានាក្នុងប្រទេសថៃជិតពីររយ (២០០) អង្គ ក្នុងនោះមានមហាវិទ្យាល័យមហាចូឡាលុងកនរាជវិទ្យាល័យ(Mahachulalongkornrajavidyalaya University) និងមហាវិទ្យាល័យមហាម្កុដរាជវិទ្យាល័យ (Mahamakudrajavidyalaya University) ជាដើម៕
ការធ្វើបុណ្យនេះដោយសារព្រះសង្ឃខ្មែរក្រោមកំពុងសិក្សានៅសាកលវិទ្យាល័យនានាក្នុងប្រទេសថៃ ខ្វះថវិកាសម្រាប់បង់ថ្លៃសាលា។ ពិធីនេះធ្វើនៅវត្តមួយក្នុង ខេត្តណៈខនប៉ៈធុម (Nakhon Pathum) ដើម្បីប្រមូលបច្ច័យឧបត្ថម្ភដល់ព្រះសង្ឃខ្មែរ និងព្រះសង្ឃខ្មែរក្រោមរៀនសូត្រ។
ប្រធានសមាគមជនភៀសខ្លួនខ្មែរក្រោមប្រចាំប្រទេសថៃ លោក ឡឹម កែវសំណាង ប្រាប់វិទ្យុអាស៊ីសេរី នៅថ្ងៃទី១៥ ខែមករា ថា លោកបានប្រមូលជនភៀសខ្លួនខ្មែរក្រោម និងពលករខ្មែរទៅចូលរួមបុណ្យផ្កាប្រាក់ ដើម្បីប្រមូលប្រាក់ប្រគេនព្រះសង្ឃ។ លោកយល់ឃើញថា ពលរដ្ឋខ្មែរទោះទៅដល់ទីណាក៏មិនភ្លេចធ្វើបុណ្យជាមួយព្រះសង្ឃ ដោយសារខ្មែរគោរពតាមព្រះពុទ្ធសាសនា ហើយព្រះសង្ឃខ្មែរសិក្សានៅប្រទេសថៃខ្វះបច្ច័យបង់ថ្លៃសាលា ទើបលោកបបួលពលករខ្មែរ និងពលរដ្ឋខ្មែរក្រោមទៅផ្គត់ផ្គង់ព្រះសង្ឃ៖
«បាទហ្នឹងហើយ លោកធ្វើផ្ដើមបុណ្យផ្កាឡើងដើម្បីប្រមូលបច្ច័យ។ (ព្រះសង្ឃ)នៅខ្វះខាតថវិកាដល់ការសិក្សាព្រះសង្ឃមានចំនួនច្រើនអង្គដែរ។ ព្រះសង្ឃមកសិក្សាមានការខ្វះខាត ហើយលោកយកថវិកាដើម្បីសិក្សាបន្ត រៀនសូត្របន្ត»។
ស្រដៀងគ្នានេះដែរ ពលករខ្មែរម្នាក់ កំពុងធ្វើការនៅប្រទេសថៃជាង១០ឆ្នាំ មានស្រុកកំណើតនៅខេត្តពោធិ៍សាត់ លោកស្រី ពេជ្រ សួន ថ្លែងក្នុងទឹកមុខញញឹមថា លោកស្រីតែងចូលរួមធ្វើបុណ្យជាមួយសមាគមជនភៀសខ្លួនខ្មែរក្រោម ដោយសារខ្មែរក្រោមក៏ជាខ្មែរដូចគ្នា។ លោកស្រីបន្តថា លោកស្រីចង់ឃើញធនធានមនុស្សរបស់ខ្មែរមានច្រើន ដើម្បីកសាងសង្គមឲ្យរីកចម្រើន៖
«យល់ឃើញថាល្អ! មានអីទេតាមមើល សប្បាយចិត្តម៉ងបានធ្វើបុណ្យ ចូល! ចូលឲ្យតែប្រាប់ ចូលតែរហូតហ្នឹង សប្បាយចិត្តសុំចែកបុណ្យឲ្យបានស្មើៗគ្នាណា»។
ក្នុងពិធីបុណ្យផ្កានេះ ពុទ្ធបរិស័ទខ្មែរបានប្រគេនចង្ហាន់ និងបច្ច័យដល់ព្រះសង្ឃ ហើយស្ដាប់ព្រះសង្ឃសូត្រធម៌ និងពិសាអាហារសាមគ្គី មើលការសម្ដែងរបាំប្រពៃណីរបស់កុមារខ្មែរក្រោម។
ពលរដ្ឋខ្មែរនៅប្រទេសថៃឃើញព្រះសង្ឃខ្មែរខិតខំរៀនសូត្រទាំងផ្លូវលោក ទាំងផ្លូវធម៌ ទើបពួកគាត់ប្រឹងប្រែងឧបត្ថម្ភដល់ព្រះសង្ឃ ទោះជាមានជីវភាពមិនធូរធារក៏ដោយ ក៏មិនបោះបង់ចោលព្រះសង្ឃដែរ។
ព្រះប្រធានសម្ព័ន្ធសមណនិស្សិត-និស្សិតខ្មែរកម្ពុជាក្រោមប្រចាំប្រទេសថៃ ភិក្ខុ ចៅ សុខឌៀប មានថេរដីកាថា ក្រុមរបស់ព្រះអង្គតែងផ្ដល់អាហារូបករណ៍ដល់សមណសិស្សដែលចូលមកសិក្សានៅប្រទេសថៃឆ្នាំដំបូង និងសិស្សដែលខ្វះថវិកាបង់ថ្លៃសាលា។ ព្រះអង្គកត់សម្គាល់ថា ការសិក្សារបស់ព្រះសង្ឃខ្មែរ និងព្រះសង្ឃខ្មែរក្រោមជឿនលឿន ព្រោះមានព្រះសង្ឃរៀនថ្នាក់អនុបណ្ឌិត និងបណ្ឌិតច្រើន ឆ្នាំនេះទទួលសញ្ញាប័ត្រថ្នាក់បណ្ឌិតពីសាកលវិទ្យាល័យមហាចូឡាលុងកនរាជវិទ្យាល័យ (Mahachulalongkornrajavidyalaya University) ជិត១០អង្គ៖
«ការរីកចម្រើនគឺមានការរីកចម្រើនហើយ ព្រោះពីដើម! ពីដើមមកយើងឃើញថាព្រះសង្ឃខ្មែរក្រោមយើងរៀនបានត្រឹមបរិញ្ញាបត្រទេ តែបច្ចុប្បន្នហ្នឹងយើងមានដល់ថ្នាក់អនុបណ្ឌិត និងបណ្ឌិតហ្នឹងហើយ។ មានការរៀនតាំងពីថ្នាក់អនុបណ្ឌិត និងបណ្ឌិត ពីដើមមកតែបរិញ្ញាបត្រ រៀនចប់បរិញ្ញាបត្រហើយគឺចប់ហើយទៅស្រុកជួយវត្តជួយអ៊ីចឹងទៅណា ឬអ្នកខ្លះក៏សឹកអ៊ីចឹងទៅ ដល់ពេលបច្ចុប្បន្នហ្នឹងយើងឃើញហើយ អនុបណ្ឌិតក៏កើនឡើងច្រើន»។
របាយការណ៍របស់សមាគមព្រះសង្ឃខ្មែរក្រោមនៅប្រទេសថៃ ឲ្យដឹងថា មានព្រះសង្ឃខ្មែរក្រោម កំពុងសិក្សានៅសាកលវិទ្យាល័យនានាក្នុងប្រទេសថៃជិតពីររយ (២០០) អង្គ ក្នុងនោះមានមហាវិទ្យាល័យមហាចូឡាលុងកនរាជវិទ្យាល័យ(Mahachulalongkornrajavidyalaya University) និងមហាវិទ្យាល័យមហាម្កុដរាជវិទ្យាល័យ (Mahamakudrajavidyalaya University) ជាដើម៕
© រក្សាសិទ្ធិដោយលោកវិទូ
លោកវិទូចុះផ្សាយព័ត៌មានអនឡាញ អំពីព្រះពុទ្ធសាសនាខ្មែរ និងព្រះពុទ្ធសាសនាអន្តរជាតិថ្មីៗ ដើម្បីជាប្រយោជន៍ដល់ប្រិយមិត្តអ្នកអាន និងជាពន្លឺក្នុងការត្រិះរិះពិចារណា ក្នុងការប្រព្រឹត្តទៅ នៃព្រះពុទ្ធសាសនាក្នុងសង្គម ។
No comments:
Post a Comment